შეხვედრა ცნობილ პიროვნებასთან ქალბატონ ნარგიზა ტუღუშთან

 

,,ხობელის“ დარბაზში მოწვეული საზოგადოება კიდევ ერთი ლამაზი ღონისძიების მომსწრენი გახდნენ.

7 ივლისს შეხვედრა შედგა საზოგადოებისთვის კარგად ცნობილ პიროვნებასთან, თაობათა აღმზრდელ, ხობის #2 საბავშვო ბაღის მთავარ სპეციალისტ ნარგიზა ტუღუშთან.

საზოგადოების დარბაზში უჩვეულო ხალხმრავლობა იყო. შეხვედრა გახსნა ,,ხობელის” თავმჯდომარე ბეჟან ნადარაიამ.

საბავშვო ბაღი ის ადგილია, სადაც ცხოვრების სავალი გზის საწყისია, სადაც იხსნება ბავშვის გონება, იწყება ცოდნის მიღებისკენ სწრაფვა...

ქალბატონ ნარგიზას მიმართ სამადლობელი სიტყვები არ ილეოდა, გამომსვლელებმა გამოხატეს საზოგადოების გულისთქმა და დიდი ხნის სიცოცხლე, შემოქმედებითი წარმატებები, კიდევ მრავალ თაობათა აღზრდა უსურვეს.

დარბაზს ამშვენებდნენ სკოლამდელი სააღმზრდელო გაერთიანების დამსახურებული ადამიანები მანანა სესქურია, ზაირა ქირია, მზისადარ ნადარაია,ნატო ხურცია,ნორა იოსავა და სხვები.

ხობელ წარმატებულ და აქტიურ ახალგაზრდას , კულტურის ცენტრის ქორეოგრაფიული ანსამბლის წევრს, 19 წლის ანი გოგუას საზეიმოდ გადაეცა ,,საზოგადოება ხობელის“ წევრის მოწმობა.

ემოციები არ ცხრებოდა...

ლამაზ ცხოვრებაგმოვლილმა ქალბატონმა იმ სიყვარულისთვის რაც დამსწრე საზოგადობამ დამსახურებულად გამოხატა, სიხარულით და მადლიერებით დატოვა დარბაზი.