საზოგადოება ხობელი-Khobeli

  2023 წლის 9 ნოემბერს, საზოგადოება ,,ხობელის" ოფისში, შედგა შეხვედრა მხატვარ- პედაგოგ ირა სიხარულიასთან. სიტყვით გამომსვლელებმა ილაპარაკეს მის შემოქმედებაზე, პედაგოგიურ მოღვაწეობაზე, მეგობრობაზე. ქალბატონმა ირა სიხარულიამ ღონისძიების ორგანიზატორებს, დამსწრე საზოგადოებას და საზოგადოება ,,ხობელს“ მადლობა გადაუხადა მისი შრომისა და შემოქმედების დაფასებისთვის.

    11  სექტემბერს   ხობის კულტურის სახლის დიდ საკონცერტო დარბაზში გაიმართა საზოგადოება „ხობელის“ მიერ ორგანიზაბეული ღონისძიება „წლები-ჩვენი სიმდიდრე“, რომლის ფარგლებში მოეწყო    შეხვდრა ხობის მუნიციპალიტეტში მოღვაწე ღვაწლმოსილ ადამიანებთან, მათთან, რომლებმაც თავიანთი შრომით, კეთილსინდისიერებით, საზოგადოებასთან ურთიერთობით სამუდამო სახელი დაიმკვიდრა სოფელსა თუ ქალაქში.              შეხვედრას   საზოგადოების   და   ადგილობრივი   თვითმმართველობის   წარმომადგენლები   დაესწრ ნენ .

29 ივნისს ხობის კულტურის სახლის დიდ დარბაზში საზოგადოება „ხობელი“-ს ორგანიზებით ხობის მუნიციპალიტეტში მოღვაწე დამსახურებულ ადამიანთა სულის საოხად საღამო „ხსოვნა მარადი“ გაიმართა. გამომსვლელებმა თავიანთ სიტყვაში გაიხსენეს კულტურის, განათლების, მედიცინის, სოფლის მეურნეობის, სპორტისა და სხვა სფეროებში მოღვაწე ხობელები, რომლებმაც შექმნეს ის ხობი, რითაც დღემდე ვამაყობთ, ამ საღამოს მეტი ელფერი შესძინა მათი ცხოვრების „წარსულის ფურცლების“ გაცოცხლებამ. აღნიშნული ღონისძიების ინიციატორი საზოგადოება ხობელის დამფუძნებელი და ბატონი მერაბ სალაყაია გახლდათ, მათი ღვაწლი, ცხოვრება დავიწყებას არ უნდა მიეცეს და სამაგალითო გახდეს მომავალი თაობებისთვის.

    8 მაისს, ხობის კულტურის სახლის დიდ საკონცერტო დარბაზში საზოგადოება „ხობელის“ ორგანიზებით,  მეორე   მსოფლიო   ომში   დაღუპულ   ხობელთა   ხსოვნისადმი   მიძღვნილი   ღონისძიება   გაიმართა.              აღნიშნულ ღონისძიებაზე საზოგადოების წევრებმა ომის მონაწილეთა შესახებ ისაუბრეს და მათ სამშობლოსადმი ღვაწლს გაუსვეს ხაზი.              ღონისძიება დასრულდა ადგილობრივ შემსრულებელთა კონცერტით.               საღამოს ადგილობრივი თვითმმართველობის წევრები და ვეტერანთა ოჯახის წევრები დაესწრნენ.

 17 თებერვალს საზოგადოება "ხობელის" დარბაზში რუბრიკით "ვინ ვარ მე" შეხვედრა შედგა ეროვნული მოძრაობის "პატრიარქ" ბატონ როლანდი ჯიქიასთან.შეხვედრას ესწრებოდნენ მისი უახლოესი მეგობრები,ძმა ბორისი,უფროსი ვაჟიშვილი ბუბა და საზოგადოების წარმომადგენლები.(ღონისძიებას უძღვებოდა ქალბატონი მანანა შამათავა).

2023  წლის   31   იანვარს   საზოგადოება   „ ხობელის “   დარბაზ ში გაიმართა რიგით მეორე ღონისძიება, რომლის ფარგლებში ხობელი ნუგზარ (ხვიჩა) შონიას მიერ გადაღებული დოკუმენტური ფილმის „ხობის თეთროსანი ღვთისმშობლის კვართი-მითი და რეალობა“-ს პრეზენტაცია მოეწყო.  ჩვენების შემდეგ დამსწრე საზოგადოებამ მადლობა გადაუხადეს ავტორს მნიშვნელოვანი ნამუშევრისთვის,  დასმულ იქნა კითხვები  და ამავ დროს გამოხატეს საკუთარი მოსაზრებები ფილმში ასახული მოვლენების მიმართ.

2023 წლის 18 იანვარს საზოგადოება "ხობელის" დარბაზის სტუმარი გახლდათ, თორსის საჯარო სკოლის დამსახურებული მასწავლებელი იზოლდა გვაგვალია. ქალბატონი იზოლდას პედაგოგიური მოღვაწეობა 5 ათეულ წელზე მეტს ითვლის.მისი კრედოა "თუ ბედავ სწავლებას თავადაც არასდროს შეწყვიტო სწავლა". მას მინიჭებული აქვს,"არამატერიალური კულტურული მემკვიდრეობის ქომაგის" წოდება.ქალბატონი იზოლდა წარდგენილია წამყვანი მასწავლებლის სტატუსზე. ვუსურვებთ წარმატებას, ჯანმრთელობას და დიდხანს სიცოცხლეს.